Се одложува воведувањето на системот ETIAS (European Travel Information and Authorization System) за издавање патна дозвола за државјаните на 50 земји, меѓу кои се и БиХ, Србија, Косово, Црна Гора и Северна Македонија, кои не треба да имаат виза за влез во земјите на Шенген.
Националната асоцијација на туристички агенции на Србија (IUTA) соопшти дека тоа го изјавиле официјални лица од Европската комисија и други органи на Европската унија.
Што е ETIAS – систем за контрола и наплата на влез во државите на ЕУ?
Според информациите од ЕУ, прво треба да се воведе системот EES, а по шест месеци да се воспостави системот ETIAS.
Автоматизираниот EES (Entry/Exit System) IT систем за регистрација на државјаните на земјите кои не се членки на ЕУ, кои патуваат на краток престој, при секое преминување на границата, е најавен за ноември 2024. година, но е одложен за оваа година.
Овој систем требаше да биде прв чекор кон воведување на нови правила за влез во земјите на Шенген за државјаните на земјите за кои не е потребна виза.
