Google потврди дека повеќе нема да користи SMS кодови како средство за верификација во Gmail.
“На истиот начин на кој сакаме да ги замениме лозинките со пристапни клучеви, сакаме и да ја прекинеме практиката на испраќање SMS пораки за верификација”, изјави портпаролот на Gmail, Рос Ричендфер.
Google моментално користи SMS верификација за две цели: безбедност и контрола на злоупотребата. Првата цел, објасни Ричендфер, е да се потврди дека имаме работа со истиот корисник како и порано, додека втората служи за спречување на измами. Пример за тоа, како што посочува Google, се криминалците кои создаваат илјадници Gmail сметки за да дистрибуираат несакана пошта.
SMS кодовите имаат бројни безбедносни предизвици, според Ричендфер. Тие можат да бидат фалсификувани, корисниците не секогаш имаат пристап до уредот на кој се испраќаат кодовите, а исто така се потпираат на безбедносни практики на операторите на корисниците. „Ако измамникот може лесно да го измами операторот за да добие туѓ број на телефон“, тогаш секоја безбедносна вредност на SMS исчезнува“, изјави Ричендфер.
