Инвеститори вложиле околу 950 милиони долари во обложување дека цената на нафтата ќе падне само неколку часа пред САД и Иран да објават примирје што веднаш ги разниша светските пазари станува збор за една од најголемите и најбрзи берзански позиции поврзани со геополитички настан во последно време.
Според податоци од LSEG во доцните вечерни часови биле продадени околу 8600 фјучерс договори за нафта тип Брент и американска сурова нафта по што само неколку часа подоцна Доналд Трамп најави двонеделно примирје со Иран и повлекување од заканите за напад. Веднаш по објавата цената на нафтата падна за околу 15 проценти и се спушти под 100 долари за барел што донесе огромни добивки за инвеститорите кои навреме ја поставиле оваа позиција.
Иако ваквите обложувања не се невообичаени на пазарите бидејќи трговците често се заштитуваат од ценовни флуктуации преку деривати сепак ретко се случува толку голем пакет на трансакции да биде реализиран одеднаш и тоа надвор од редовното работно време на берзите што дополнително го прави случајот необичен.
Сличен тренд бил забележан и на 23 март кога инвеститори продале нафтени договори во вредност од 500 милиони долари само 15 минути пред Трамп да најави одложување на нападите врз иранската енергетска инфраструктура што тогаш исто така предизвика нагол пад на цените.
Тргувањето со нафта значително се зголемило од почетокот на конфликтот меѓу САД и Иран при што дневниот обем достигнал рекордни нивоа од над еден милион договори што укажува на огромна нестабилност и чувствителност на пазарот на секоја политичка изјава.
Регулаторите засега не коментираат за овие трансакции додека аналитичарите предупредуваат дека ваквите движења можат да укажуваат на можни информации достапни пред јавните објави што отвора прашања за транспарентноста и довербата во пазарите.
