Во раните утрински часови на петок, руски сили извршија масовен воздушен напад врз главниот град на Украина, Киев, при што беа погодени енергетски постројки и станбени згради, предизвикувајќи прекин на електрична енергија и повреда на најмалку осум лица.
Пожар во облакодер во центарот на Киев
Според украинските власти, дрон предизвикал пожар во станови на 6-тиот и 7-миот кат од облакодер во централниот округ Печерски. Објавени фотографии покажуваат станови во пламен и интервенција на пожарникарски екипи.
Киев без струја, пет лица хоспитализирани
Градоначалникот на Киев, Виталиј Кличко, потврди дека 8 лица се повредени, 5 од нив се хоспитализирани а голем дел од градот остана без електрична енергија
Целта биле енергетски постројки
Министерката за енергетика на Украина, Свитлана Гринчук, соопшти дека руските напади биле насочени кон критичната енергетска инфраструктура, при што екипите работат на намалување на штетата и започнување со санација штом условите дозволат.
Напади и во други градови
Во југозападниот град Запорижја, дронови погодиле неколку цели 3 лица се повредени а има најмалку еден пожар во станбена зграда
Нападот доаѓа во време кога Украина продолжува со својата контраофанзива, а Русија засилува напади врз урбана и енергетска инфраструктура низ земјата. Началникот на воената управа во Киев, Тимур Ткаченко, изјави дека руските напади продолжиле длабоко по полноќ, главно со дронови и ракети.
