Го спореди со Хитлер и го нарече идиот, а сега со него влегува во Белата куќа. Кој е идниот потпретседател на САД? Џеј Ди Венс од противник на Трамп стана жесток поддржувач – а сега е и негов потпретседател.
Дојче веле подготви портрет на 40-годишниот потпретседателски победник на изборите.
Веста дека Доналд Трамп во јули годинава, го избра Венс за потпретседателски кандидат, одекна во јавнсота како потврда за подемот на Џеј Ди, во рамките на Републиканската партија. Многу аналитичари веруваат дека Венс би можел да стане наследник на движењето на Трамп „Make America Great Again“ (скратено МАГА) – и потенцијален републикански претседателски кандидат за 2028 година.
Трамп и Венс се разликуваат по многу работи. Со децении, њујоршкиот бизнисмен Трамп јавно се претставува како надмоќна личност и согласно овој стил ја води и политиката.
Од друга страна, 40-годишниот Џеј Ди Венс го претставува другото лице на Америка.
Венс го зел презимето од неговите баба и дедо по мајка, кои му го промениле животот, бидејќи ја презеле грижата за младиот Џејмс Дејвид Бауман, како што тогаш го нарекувале Венс, кога неговата мајка се борела со проблеми со зависност од дрога и алкохол. По завршувањето на средното училиште, Венс го напуштил родниот град Мидлтаун, Охајо и се пријавил во војска. Како новинар – известувач без директно учество во борбите, тој поминува во 2005 година поминува шест месеци во Ирак. По враќањето во САД, ги заврши студиите на Државниот универзитет во Охајо, а потоа на Правниот факултет Јеил. По завршувањето на студиите Венсм основал компанија и инвестирал во технолошкиот сектор во Калифорнија. исто Со сегашната сопруга, Уша Чилукури, по потекло од Индија, која ја запознава на Јеил се жени во 2014 година. Двојката има два сина и една ќерка.
Венс се прослави во 2016 година кога го објави автобиографскиот роман „Hillbilly Elegy: The Story of My Family and Society in Crisis“. Бестселерот беше пофален за неговиот увид во реалниот живот на луѓето во „Растечкиот појас“, регион погоден од падот на челичната индустрија. Во ноември истата година, тесните резултати во сојузните држави Висконсин, Мичиген и Пенсилванија му донесоа победа на Трамп на изборите.
Венс беше поканет во телевизиски и радио емисии како експерт за регионот од каде што потекнува. Во интервјуто, кое го даде пред првите избори на кои се кандидираше Трамп, рече дека не го поднесува Трамп и дека најверојатно ќе гласа за Хилари Клинтон. Потоа јавно го нарече Трамп „идиот“ и приватно го спореди со Адолф Хитлер.
Сепак, Венс предвиде дека феноменот Трамп е производ од поддршката на белата работничка класа, која „не е нужно сиромашна, но се чувствува културно изолирана и песимистичка за иднината“.
„Тоа е една од најголемите, ако не и најголемата, причини зошто некој го поддржува Доналд Трамп“, рече тогаш Венс.
Многу пофалби за „Hillbilly Elegy“ стигна и од ко-основачот на PayPal, Питер Тиел. Милијардерот со германско потекло беше долгогодишен ментор на Венс и еден од првите познати поддржувачи на Трамп во Силиконската долина. „Њујорк тајмс“ во јули објави дека Тил ја договорил првата средба меѓу двајцата во 2021 година. Следната година, Џ.Д. Венс го промени својот став кон Трамп во јавноста – и влезе во американскиот Сенат како републикански кандидат од Охајо.
Во предизборната кампања, Венс беше важен говорник и предизвика многу контроверзии. Кратко време, откако Трамп го избра за потпретседателски потпретседател, повторно во јавноста стана актуелна неговата изјава од 2021 година во која тој ги опиша САД како земја во која управуваат „жени со мачки и без деца“.
Многу демократи, но и познати личности како Тејлор Свифт, ја осудија изјавата. Венс дополнително навлече гнев кога на социјалните мрежи лажно тврдеше дека мигрантите од Хаити јадат кучиња во Спрингфилд, Охајо.
Трамп подоцна го повтори тоа лажно тврдење во ТВ дебата со демократската противкандидатка Камала Харис.
Во ТВ дебата со демократскиот кандидат за потпретседател Тим Валц, Џ. Според критичарите, Венс однесе тесна победа. Неговиот настап беше опишан од медиумите како „мазен“ (Политико), „јасен“ и „доминантен“ (Њујорк тајмс) и „мазен“ (CNN). Сепак, Венс имаше една слаба точка: тој не призна дека Трамп ги загуби изборите во 2020 година од Џо Бајден – што Волц го искористи против него.
