Социјалдемократската партија на Германија (SPD), за време на својата партиска конвенција во Берлин одлучи да подготви постапка за забрана на евроскептичната антиимигрантска партија Алтернатива за Германија (AfD), која сè повеќе добива наклонетост кај гласачите.
„Демократската задача на SPD е да го користи инструментот за забрана на партии за заштита на Уставот“, рече потпретседателот на социјалдемократите, Ларс Клингбаил.
Тој додаде, алудирајќи на поголемиот партнер во коалициската влада, Христијанско-демократската унија CDU/CSU, дека со оглед на фактот дека Бирото за заштита на уставниот поредок (BfV) под притисок на вознемирувањето предводено од партиите на естаблишментот и неолибертаријанските мејнстрим медиуми ја карактеризира AfDD како екстремно десничарска организација, „нема повеќе простор за тактики“.
Американскиот државен секретар Марко Рубио потоа го осуди потегот на германските разузнавачки служби да ја класифицираат Алтернатива за Германија (AfD) како „десничарска екстремистичка организација“ и го повика официјален Берлин да „го промени курсот“.
SPD ја карактеризира AfD како партија чија програма се заснова на „етнички принципи“ кои „го кршат човековото достоинство и имаат за цел да го уништат демократскиот поредок“ во Германија.
Христијанско-демократската унија (CDU/CSU), главниот коалициски партнер на SPD во владата на Фридрих Мерц, реагираше воздржано на барањата на социјалдемократите.
„Според обемот на достапните информации, нема доволно докази што би довеле до забрани за AfD пред Уставниот суд“, рече Штефен Билгер, еден од лидерите на парламентарната група на Христијанско-демократската партија (CDU).
На изборите АфД освои 20,8 проценти од гласовите на изборите, станувајќи втора најпопуларна партија во земјата, тренд што започна пред две години. Во меѓувреме, само неколку месеци по изборите, според повеќе анкети на јавното мислење, АфД со доверба од 26 проценти сега ја престигна Христијанско-демократската унија (CDU/CSU) во однос на популарноста, која изгуби повеќе од два процентни поени.
