Генералното собрание на Обединетите нации денеска ќе одржи гласање за поддршка на резолуцијата позната како „Њујоршка декларација“, која повикува на воспоставување на две држави – Израел и Палестина – но со исклучување на Хамас од процесот.
Резолуцијата е предложена од Франција и Саудиска Арабија, а веќе е поддржана од Арапската лига и ко-потпишана од 17 земји членки на ОН, меѓу кои и неколку арапски држави.
Во текстот се повикува на:
„Колективна акција за прекин на војната во Газа и постигнување праведно, мирно и трајно решение на израелско-палестинскиот конфликт, врз основа на ефикасна имплементација на решението со две држави.“
