Првата дама на САД Меланија Трамп пристигна со својот сопруг на новиот претседател на САД, Доналд Трамп во црквата Свети Џон на утринската богослужба пред денешната инаугурација на Трамп.
Меланија и Трамп беа придружувани од нивниот син Барон Трамп, ќерката Иванка и нејзиното семејство, како и многу политичари и истакнати личности како Лорен Санчез и Џеф Безос, како и Марк Цукерберг, но и Роберт Кенеди и поранешниот британски премиер Борис Џонсон.
Меланија, која денеска и официјално станува прва дама на САД, се појави во исклучително хармоничен и елегантен аутфит – црн, целосно затворен костум, под кој облече бела кошула и ја искомбинираше со голема капа во истите нијанси.
Она што е интересно е што таа носеше слична капа за време на неговиот прв претседателски мандат во 2017 година.
Својот аутфит го комплетираше со црни кожени ракавици, а нејзиниот син Барон зрачеше со елеганција во свечен костум и долго палто.
Интересен детал е тоа што Трамп се појави без вообичаената црвена вратоврска. За потсетување, меѓу присутните беа Иванка и нејзиното семејство, Доналд Трамп Јуниор со неговата поранешна сопруга Ванеса и нивните наследници, како и таткото на Меланија, Виктор Кнавс.
