Шефот за дизајн на автомобилскиот производител, Андреас Минд, изјави за Autocar дека компанијата „никогаш, никогаш повеќе нема да ја направи оваа грешка“ и ветува дека ќе ги врати физичките контроли за јачината на звукот, контролите на греењето, брзината на вентилаторот и активирањето на четирите жмигавци под екранот на допир за сите автомобили, почнувајќи со ID 2all следната година.
Минд, исто така, вели дека одлуката да се вратат физичките копчиња била заснована на повратни информации од клиентите. „Искрено, тоа е автомобил. Тоа не е телефон, тоа е автомобил“, рече Минд. „Го разбравме ова“.
Фолксваген не е единствениот производител на автомобили кој во последно време повторно се враќа кон физичките копчиња. Слични најави пристигнаа и од Хјундаи и Киа, додека новиот производител на електрични автомобили, Шаоми физичките копчиња ги нуди како додатна опрема.
Трендот кон дигитални интерфејси беше започнат пред повеќе од една деценија од Tesla Model S со неговиот импресивно голем централен екран на допир.
Промената на Фолксваген доаѓа во интересен момент кога Програмата за проценка на нови автомобили на ЕУ (NCAP) треба да воведе нови правила следната година кои бараат автомобилите да имаат одредени физички контроли за да постигнат целосна безбедносна оцена со пет ѕвездички.
И тоа се коси со чувствата на некои директори на автомобили, вклучувајќи го и софтверскиот шеф на Rivian, Васи Бенсаид, кој ги нарече копчињата во автомобилот „аномалија“ и предвиде дека наскоро сè ќе биде дигитално контролирано преку глас.
