Европа се соочува со сериозна водна и енергетска криза што може да го намали БДП на богатите земји до 8% до 2050 година, предупредуваат експерти од компанијата Danfoss.
Извештајот покажува дека расфрлањето со вода не само што ја зголемува климатската криза, туку и ја ослабува економската отпорност. До 2040 година, потрошувачката на енергија во водниот сектор може да се удвои, а потребата за вода во енергетскиот сектор да порасне за речиси 60%.
Зошто се поврзани водата и енергијата?
Секој чекор од водниот циклус – од црпење и прочистување до испорака и користење – бара енергија. Денес, околу 14% од светската потрошувачка на свежа вода оди за енергетски цели. Недостигот во едниот систем директно влијае врз другиот: сушите ја ограничуваат енергијата, а енергетските прекини ја ограничуваат водоснабденоста.
„Во Европа се губи премногу прочистена вода, а со тоа и енергијата потрошена за нејзино пумпање и третман. Тоа е економски и безбедносен ризик,“ изјави Ким Фаусинг, извршен директор на Danfoss.
Економска цена и закани
Доколку не се решат овие неефикасности, губитоците може да чинат милијарди евра. До 2030 година, земјите-членки на ЕУ ќе треба да вложат меѓу 500 и 1.000 евра по лице за водоснабдување и санитарни системи, само за да ги исполнат сегашните регулативи.
Кризата со водата, покрај економските штети, претставува ризик за јавното здравје, инфраструктурата и геополитичката стабилност. Ограничениот пристап до достапна вода или енергија може да доведе до сиромаштија и конфликти.
Решенија и технологија
Експертите повикуваат на амбициозни регулативи, цели за ефикасност и стимули за инвестиции во до кажани технологии како што се: системи за откривање истекувања, паметно мерење, управување со притисок и оптимизација на енергетската ефикасност.
Danfoss проценува дека модернизацијата на постројките за десалинизација може да заштеди 34,5 милијарди евра и да намали 111 милиони тони CO₂ емисии.
Податоците центри и нивната улога
Податочните центри се значаен потрошувач на вода — околу 560 милијарди литри годишно, со очекување оваа бројка да се удвои до 2030 година. Новите технологии како директно течносно ладење на чипови може да ја намалат потрошувачката и да ја подобрат енергетската ефикасност.
Интересно, вишокот топлина од дата центрите би можел да обезбеди до 10% од потребите за греење во Европа до 2030 година, што покажува дека паметното управување со ресурси може да донесе двојна корист — и за економијата, и за климата.
