Најавата на американскиот претседателДоналд Трамп дека би можел да ги прекине трговските односи со Шпанија поради критиките кон американско-израелската војна против Иран претставува „закана за Европа“, изјави потпретседателот на ЕК за просперитет и индустриска стратегија Стефани Сажурине.
Сежурне, поранешен министер за надворешни работи на Франција , изјави дека секоја закана насочена кон Европа е закана за сите нејзини членки, пренесува „Фајненшл тајмс“.
„Заканата кон Европа е закана за сите. Тоа го видовме и во контекстот на Гренланд– во Европа постои единство по ова прашање“, изјави Сежурне, кој претходно беше генерален секретар на партијата Ренесанса на францускиот претседател Емануел Макрон.
Американскиот претседател вчера ја нарече левичарската влада на Шпанија, предводена од премиерот Педро Санчез, „ужасна“ и најави прекин на сите трговски врски, наведувајќи дека САД „не сакаат да имаат ништо со Шпанија“.
Санчез денеска одговори на заканите на Трамп, истакнувајќи дека ставот на неговата влада е јасен – „Не на војната“. Тој предупреди дека не треба да се повторат „грешките од минатото“, алудирајќи на американската инвазија врз Iraq во 2003 година, која, според него, не ги постигнала целите, туку довела до поголема несигурност и влошување на животот на многу луѓе.
Претседателот на Европската комисија Антоние Кочта денеска телефонски разговарал со Санчез и изразил солидарност со Шпанија.
„Европската Унија секогаш ќе обезбеди интересите на земјите-членки да бидат целосно заштитени. Повторно ја потврдуваме нашата силна посветеност на принципите на меѓународното право и на меѓународниот поредок заснован на правила“, напиша Кошта на социјалната мрежа X.
