На маргините на мировниот самит за Газа во Египет, беше снимен интересен и неформален разговор меѓу турскиот претседател Реџеп Таип Ердоган, италијанската премиерка Џорџа Мелони и францускиот претседател Емануел Макрон.
„Изгледаш одлично. Но мора да те натерам да престанеш да пушиш,“ ѝ рече Ердоган на Мелони, според видеото објавено од италијанскиот дневен весник Il Foglio и други медиуми.
Во разговорот се вклучил и Макрон, кој стоел до нив, коментирајќи низ насмевка:
„Тоа е невозможно!“
Мелони се насмевнала и одговорила:
„Знам, знам. Не сакам да убијам некого.“
Во една книга базирана на серија интервјуа, Мелони претходно признала дека повторно почнала да пуши по 13 години апстиненција. Таа, исто така, раскажала дека пушењето ѝ помогнало да се поврзе со други политичари – вклучувајќи го и претседателот на Тунис, Каис Саид.
