На ова јубилејно издание – 30 години организација на Државниот извиднички ориентационен натпревар учество земаа 150 извидници од 12 различни извиднички одреди – младински организации ширум 9 градови од државата.
Извидниците на овој натпревар се натпреваруваа во повеќе дисциплини и тоа: сигнализација со семафор, морзеова сигнализација, ориентација во природа, поставување на засолниште од материјали од природата, прва помош и заштита, цртање на извиднички материјали, извиднички јазли, изградба на патенти од природни ресурси и рециклирани материјали, полигон на спретност и други извиднички дисциплини.
