Руски беспилотни летала се забележани на небото над регионот на Киев, при што украинската воздушна одбрана активно дејствува и ги соборува целите, соопшти регионалната воена администрација, пренесува Укринформ.
Властите апелираат до жителите да останат во засолништа додека трае тревогата за воздушен напад, како и да не снимаат и споделуваат видеа од одбранбените операции.
Според информациите, во текот на ноќта Русија извршила масовен напад врз Украина со дури 273 беспилотни летала од различни типови, што укажува на засилен интензитет на нападите.
