Главен селектор на натпреварувачката програма е режисерот Иван Бакрач. Селекцијата од внимателно избрани филмови обработува важни општествени, интимни и политички теми, преку моќта на филмскиот јазик.
Во интернационалната програма ќе се прикажат филмовите:
- Bad for a Moment – Daniel Soares, 15′, Португалија
- O – Rúnar Rúnarsson, 20′, Исланд
- Spring 23 – Zhiyi Wang, 13′, Кина
- Alarms – Nicolas Panay, 17′, Франција
- Susana – Amandine Thomas & Gerardo Coello Escalante, 15′, САД/Мексико
Во регионалната програма:
- Almost Certainly False – Cansu Baydar, 20′, Турција
- We Need to Talk About Dilan – Umut Şilan Oğurlu, 20′, Турција
- 400 Cassettes – Thelyia Petraki, 14′, Грција
- Bright Summer Days – Nevena Desivojević, 14′, Србија
- Morocco – Staša Bajac, 20′, Србија
Во националната програма:
- Зајак – Hanis Bagashov, С. Македонија/Бугарија
- Избор – Марко Црногорски, 17′, С. Македонија
- Остров – Бранко Костевски, 15′, С. Македонија
- Мала шега – Трифун Ситниковски, 21′, С. Македонија/Хрватска
- Неми филмови – Крсте Господиновски, 16’, С. Македонија/Романија
Во програмата „Dealing With the Past“:
- The Man Who Could Not Remain Silent – Nebojša Slijepčević, 14′, Хрватска/Франција/Бугарија/Словенија
- City of Poets – Sara Rajaei, 21′, Холандија
- We Were the Scenery – Christopher Radcliff, 15′, САД
- Exit Through the Cuckoo’s Nest – Nikola Ilić, 19′, Швајцарија
- Chronicity – Aleta Rajič, 3′, БиХ
- Ibuka, Justice – Justice Rutikara, 23′, Канада
Во студентската програма:
- Smell of Fresh Paint – Nadja Petrovic, 14′, Србија
- Closed Eyes – Victoria Koberstein, 10′, Германија
- Greek Apricots – Jan Krevatin, 20′, Словенија/Хрватска
- Dog of a Famous Person – Jozo Schmuch, 19′, Хрватска
- Eyes – Leona Jarikj, 4′, С. Македонија
- Invisible Sister – Nellie Rajala, 17′, Финска/Полска
Она што го прави ова издание на Дрим Шорт исклучително важно, не само за фестивалот, туку воопшто за македонската кинематографија, е присуството на директорот на фотографија Флоријан Хофмајстер, добитник на BAFTA и Primetime Emmy за серијата Great Expectations, номиниран за оскар за најдобра кинематографија и добитник на наградата Golden Frog за филмот Тар. Флоријан ќе биде почесен гостин на фестивалот, но еден од централните настани секако ќе биде ексклузивниот јавен разговор со Флоријан, што ќе претставува уникатна можност зa гостите, учесниците и публиката да слушнат и да разговараат за филмската уметност, со еден од најзначајните директори на фотографија на денешницата.
Највпечатливиот едукативен сегмент на фестивалот е мастеркласот со актерот Никола Ристановски, култниот глас на македонската театарска и филмска сцена. Во рамки на Drim Short 2025, Ристановски ќе сподели искуства од својата богата актерска кариера, ќе зборува за уметноста на интерпретација, работата со режисери, како и за театарот и филмот. Мастеркласот е наменет за млади актери, режисери и љубители на филмот, и претставува редок увид во работата на еден од највлијателните актери во регионот.
Во едукативниот дел, оваа година во рамки на фестивалот ќе се одржи работилница за филмска критика “Dealing With The Past”, во соработка со Pro Peace Скопје, под менторство на српскиот сценарист, драматург и филмски критичар Иван Велисављевиќ. На работилницата ќе учествуваат студенти од филмските и уметничките академии од Македонија, Косово, Србија и Босна и Херцеговина.
Во ревијалниот дел од филмската програма, фестивалот ќе понуди и еколошка програма во соработка со Еко Свест, преку дискусии и селекција на документарни и кратки филмови поврзани со заштита на водите, климатски прашања и екологијата генерално.
“Dutch Night” ќе биде специјална вечер посветена на холандски краткометражни филмови, реализирана во партнерство со реномираниот Go Short – International Short Film Festival Nijmegen. Настанот ќе вклучува проекции на филмови, дискусија и коктел, а во рамки на програмата ќе се прикажат и VR остварувања од Холандија, достапни во посебниот VR Corner отворен за посетителите во текот на два фестивалски денови.
Годинава, особена чест и задоволство ни е што жирито за натпреварувачката програма на Drim Short 2025 го сочинуваат врвни уметници и професионалци од светот на филмот и театарот: актерот Никола Ристановски, актерката Јелена Јованова, директорот на Adriatic Film Festival Гвидо Касале и монтажерот Бранко Ристовски. Реномираното жири ќе има задача да ги оценува филмовите во натпреварувачките програми и да ги додели наградите за најдобри филмови на овогодишното издание на фестивалот.
Овогодинешното издание на „Дрим Шорт“ е овозможено благодарение на безрезервната поддршка од нашите партнери и спонзори: ПроПис Северна Македонија, Агенција за филм на Северна Македонија, Амбасада на Кралството во Холандија, Скопје, Трим и Лум, Општина Струга, Екосвест, НУЦК „Браќа Миладиновци“ Струга, Хотел Дрим, Струшки вечери на поезијата, АКВА Струга, Мезе Бар Кингстон, Мезе Бар Барабар и Кафе Бар Дуќан. Главен медиумски покровител на фестивалот е ТРН.мк, а останатите медиумски партнери ФИЛМ+ и Плеј Радио.
Дрим Шорт останува верен на својата мисија – да ја промовира кратката филмска форма, да дава простор на младите македонски филмски уметници и да гради заедница преку краткиот филм. Дрим Шорт останува да биде простор за искрена уметничка комуникација и ангажирана култура, со цел да ја постави Струга како важна дестинација на картата на европските филмски фестивали.
