Претставата се работи според текстот „Девојката и смртта (I-V)“ на австриската писателка Елфриде Јелинек, добитничка на Нобеловата награда за литература во 2004 година. Јелинек е позната по својот стил кој ги разобличува општествените стереотипи и нивната потчинувачка моќ.
Режисерката Жива Бизовичар од Словенија ја предводи продукцијата, со драматург Ник Жнидаршиќ и сценограф Јан Кремељ. Костимографијата е дело на македонскиот дизајнер Александар Ношпал. Особен предизвик во оваа претстава е концептот на Бизовичар осумте лика да бидат изведени од актерки од ансамблот на Драмски театар.
Премиерата на „Драма за принцезите“ е планирана за средината на ноември, потврдуваат од Драмски театар.
