Нова епизода на РеТрн!
Овој пат ни гостуваат браќата Дино и Ади Имери – двајца врвни музичари, секој со свој свет, свој ритам и своја публика.
Едниот – светски признат македонски пијанист, кој шета по светските сцени и држи лекции како се свири класична музика на највисоко ниво.
Другиот – урбан фраер, со „100 бендови“ зад себе, длабоко вкоренет во алтернативната и џез сцената, препознатлив по својот став и звук.
Ништо нескромно ако кажеме дека се едни од најдобрите музичари кај нас.
Двигатели на класиката, џезот и алтернативната музика, професори кои студентите ги обожуваат – и луѓе кои оставиле трага и на сцена и надвор од неа.
Додека Дино патува од концерт во концерт и го претставува македонскиот талент низ светот, Ади останува цврсто на урбаната сцена – толку присутен, што неговото име може да се прочита и по ѕидовите на културни домови, алтернативни простори… па и по некои WC-иња:
„Ади те сакам“.
Во оваа епизода зборуваме за музиката, сцената, образованието, разликите и сличностите – и што значи да си брат, музичар и двигател на културата во исто време.
Дино и Ади Имери во РеТрн – епизода што се слуша со внимание.
