Најинтензивни врнежи се забележуваат во Охридско-Преспанскиот регион, Пелагонија и Полошко, каде локално се очекува да наврнат над 20 литри дожд на квадратен метар. Во источните делови врнежите се повремени и со послаб интензитет.
Дува засилен северозападен ветер, кој на моменти достигнува брзина и до 60 километри на час, особено во Скопската котлина и долж Повардарието. Поради ветровитото време, чувството на студ е поизразено, иако дневните температури се движат меѓу 9 и 14 степени.
Во попладневните часови се очекува намалување на интензитетот на врнежите, но облачноста ќе се задржи до вечерта. На планините ќе продолжи да паѓа слаб снег, а кон крајот на денот времето постепено ќе се стабилизира.
Во главниот град денес преовладува облачно време со повремени врнежи од дожд, особено во попладневните часови. Дува засилен северозападен ветер. Утринската температура се движеше околу 6 степени, а дневната достигнува до 12 степени.
Утре (среда) се очекува разведрување и мал пораст на температурите, додека од четврток повторно ќе има ново наоблачување со можни локални врнежи од дожд.
