Данска денеска го објави својот 25-ти пакет поддршка за Украина за зајакнување на воздушната одбрана и артилериските капацитети на земјата.
Пакетот предвидува вкупно 6,7 милијарди дански круни (996 милиони евра) за периодот од 2025 до 2027 година, што го прави еден од најголемите пакети за поддршка досега, соопшти министерот за одбрана Троелс Лунд Поулсен.
Министерството за одбрана соопшти дека 1,4 милијарди дански круни ќе се користат секоја година за купување артилерија и муниција, кои потоа ќе бидат доставени до Украина. Се обезбедуваат и средства за беспилотни летала и ИТ.
Данска е еден од најголемите поддржувачи на Украина откако Русија ја почна инвазијата пред повеќе од три години.
Во поглед на преговорите за можен прекин на огнот, данската влада се фокусира на воено зајакнување на Украина за да може да преговара од најсилна можна позиција.
