Членовите на оркестарот на Белградската филхармонија вчера вечер го завршија концертот со обраќање до публиката и при тоа ги поддржаа студентите и нивните барања, а подигнаа и црвени раце.
Тие во говорот до студентите порачаа дека се „светла иднина на нашата прекрасна Србија“.
„Оркестарот на Белградската филхармонија секогаш ќе ја поддржува младоста и нејзината глад за правда, право и подобар живот. Во целост се согласуваме со вашите барања и безрезервно ја поддржуваме вашата храброст и енергија. Како што знаете, ние сè уште ги лекуваме раните од несреќниот настан „газењето“ на нашите четворица колеги, кога мирно одававме почит пред нашата зграда на 6 декември“, изјавија членовите на оркестарот на Београдската филхармонија.
„Но, тоа не нè исплаши, туку ни ја засили решеноста за единствено разумна цел, а тоа е живот во сигурна и правна земја, каде што владеат вредности на одговорност, граѓански слободи, слобода на избор и вера во подобра иднина. Драги деца, идни колеги, нè направивте горди и најмалку што можеме е да стоиме рамо до рамо со вас“, порачаа тие.
Да потсетиме, пред неколку дена поддршка до студентите пристигна и од сцената на Народниот театар. Членовите на ансамблот на балетот и оркестарот на Народниот театар во Белград по претставата на сцената подигнале црвени раце.
Истовремено, во театарот Атеље 212, актерите секоја вечер по претставата излегуваат со натписот „Студентите се кренаа, а ние?“.
