Во подрачјето на Хрватска Костајница, во населбата Росуље, рано утринава се превртел чамец на реката Уна, при што има жртви.
Полициски службеници кои ја набљудувале државната граница околу 4:45 часот слушнале повик за помош од реката. Веднаш биле испратени полициски патроли, а на местото на настанот биле повикани и други служби за итни случаи.
Досега е пронајдено едно живо машко лице и едно безживотно тело на непознат маж. Според досегашните информации, во чамецот имало повеќе лица, но точниот број сè уште не е утврден.
Во потрагата по исчезнатите учествуваат полициски службеници и припадници на Хрватската крајбрежна стража, кои користат пловни објекти и беспилотни летала.
Од Полициската управа Сисак-Мославина потврдија дека станува збор за мигранти. Брзата помош, полицијата и другите надлежни служби и понатаму се на терен.
