Премиерот Кеир Стармер уште во јули најави дека Велика Британија ќе ја признае Палестина во септември, доколку состојбата во Газа не се подобри. Според извештаите на BBC, владата проценила дека хуманитарната криза и насилството последните недели дополнително се влошиле, што било клучен фактор за донесената одлука.
Лондон ја оправдува оваа политика со потребата да се зачува надежта за решение со две држави, особено со оглед на продолжената воена офанзива во Газа и плановите за проширување на израелските населби на Западниот Брег.
Ова е драматичен чекор во британската надворешна политика, бидејќи досегашните влади сметаа дека признавањето на Палестина треба да дојде како дел од целосен мировен договор.
Одлуката предизвика остра реакција во Вашингтон. Републиканските лидери во Конгресот, меѓу кои Елис Стефаник и сенаторот Рик Скот, предупредија дека потегот ќе му даде сила на Хамас и ќе ја загрози безбедноста на Израел. И американскиот претседател Доналд Трамп, за време на неговата посета на Лондон, изјави дека „не се согласува со премиерот“ околу признавањето на Палестина.
Семејства на заложници, киднапирани во нападите од 7 октомври, исто така го осудија чекорот. Во отворено писмо до Стармер тие наведоа дека ваквата одлука „ drastično ги комплицира напорите за ослободување на нашите најблиски“ и апелираа британската влада да не постапува сè додека заложниците не бидат ослободени.
Критики упатија и британските конзервативци и лидерот на реформската партија Најџел Фараж.
Извор: Index.hr
