Според нацрт-резолуцијата во која имал увид Ројтерс, текстот остро ги осудува „непријателските дела на Израел, вклучувајќи геноцид, етничко чистење и изгладнување“, за кои се наведува дека ги загрозуваат „перспективите за мир и соживот“. Израел ги отфрли овие обвинувања. Аналитичарите проценуваат дека воен одговор не е реален, но резолуцијата може да послужи како форма на политички притисок.
Повик за меѓународна реакција
Катараскиот премиер Мохамед бин Абдурахман бин Јасим ал-Тани претходно ја повика меѓународната заедница да стави крај на „двојните стандарди“ и да го санкционира Израел.
Американскиот претседател Доналд Трамп изјави дека „Катар е многу добар сојузник“, но предупреди: „Израел и сите други мора да бидат претпазливи. Кога напаѓаме луѓе, мора да внимаваме.“
Американскиот државен секретар Марко Рубио, кој во саботата ја посети Израел, истакна дека на претседателот Трамп „не му се допаднал начинот на кој беше изведен нападот во Катар“.
Меѓународна осуда и последици
Советот за безбедност на ОН минатата недела го осуди израелскиот напад во Доха. Израел ја бранеше акцијата, а претседателот Исак Херцог изјави дека таа била неопходна за да се „отстранат оние што не се подготвени за договор за завршување на војната“.
Хамас потврди дека нивниот преговарачки тим го преживеал нападот на 9 септември, но дека петмина негови членови биле убиени, меѓу кои и синот на главниот преговарач Халил ал-Хаја. Во нападот загинал и катарски безбедносен офицер.
Катар од 2012 година е домаќин на политичката канцеларија на Хамас и игра клучна улога како посредник во индиректните преговори со Израел. Земјата е и близок сојузник на САД, а во близина на Доха е сместена голема американска воздушна база.
Извор: Index.hr
