Коловозите се влажни, а на најоптоварените патни правци од I, II и III приоритет за одржување има снег до 5 сантиметри, соопшти Јавното претпријатие „Патишта на Србија“, врз основа на извештајот на Штабот на зимската служба. До возачите е упатен апел за внимателно возење поради магла, поледица и можни одрони.
Делниците на кои има снег се:
Ивањица – Јавор, Нова Варош – Алјиновиќи, Мајданпек – Клокочевац – Штубик, Штубик – Неготин – државна граница со Бугарија (граничен премин Мокрање), Доњи Милановац – Поречки мост – ХЕ Ѓердап 1, Голубац – Доњи Милановац, Неготин – Заечар – Вратарница – Књажевац, граница РУМ/СРБ (брана ХЕ Ѓердап 1) – Кладово – Неготин, Јелова Гора.
На останатите патни правци од I приоритет за одржување, коловозите се влажни во пониските предели, а снег има местимично, во кашеста состојба, до 5 сантиметри, на подрачјата на Ивањица, Ужице и Заечар.
