Возачот на Mercedes, Кими Антонели, ја освои денешната трка за Големата награда на Јапонија што се возеше на патеката Suzuka Circuit, запишувајќи ја својата втора победа во тековната сезона.
На второто место заврши Оскар Пјастри од McLaren, додека последното место на подиумот му припадна на Шарл Леклер од Ferrari.
Во возбудлив финиш, Џорџ Расел силно притискаше за третата позиција, но Леклер успеа да ја одбрани, оставајќи го Расел на четвртото место. Шампионот Ландо Норис заврши петти, а Луис Хамилтон шести.
Трката беше обележана и со инцидент во 22. круг, кога Оли Берман излезе од патеката и удри во заштитната ограда по избегнат судир со Франко Колапинто. Според тимот на Haas F1 Team, возачот не е тешко повреден, благодарение на високите безбедносни стандарди во Формула 1.
По оваа победа, Антонели е лидер во генералниот пласман со 72 бода, пред Расел со 63 и Леклер со 49, додека кај конструкторите води Mercedes пред Ferrari.
Следната трка од календарот е закажана за 3 мај во Мајами.
