Досега патниците со покрупна телесна градба можеа или однапред да платат за дополнително седиште – со можност за подоцнежен поврат на средствата – или да побараат бесплатно дополнително седиште директно на аеродромот пред летот. Според новата политика, повратот на парите и понатаму ќе биде можен, но нема да биде загарантиран.
Повеќе промени во политиките на Southwest
Од компанијата наведуваат дека промената е дел од подготовките за воведување систем за однапред доделување седишта – новина за Southwest, кој досега важеше за превозник кај кого патниците самостојно ги избираат седиштата при влегување во авионот.
Во мај годинава Southwest ја укина и политиката за бесплатен превоз на багаж, што беше една од главните предности на овој нискобуџетен превозник во споредба со конкурентите.
Реакции на патниците
Патничкиот агент Џејсон Воун од Орландо, кој на социјалните мрежи објавува совети за патување за лица со поголема телесна тежина, вели дека новата мерка ќе го влоши искуството на сите патници.
„Сегашната политика создаваше подобри услови и за патниците со поголема телесна тежина и за останатите патници во авионот. Верувам дека оваа промена ќе го направи летањето понепријатно за сите,“ изјави Воун.
Southwest, кој се соочува со притисок од инвеститорите да ја зголеми добивката, минатата година најави и дополнителна наплата за седишта со поголем простор, како и воведување ноќни летови.
Извор: Index.hr
