Паулино е од Гајтерсбург, Мериленд, а грешката ја открила додека се обидувала да ја обнови возачката дозвола, пренесува Sky News.
Таа рече дека се чувствувала исплашена и изненадена кога системот за управување на возилото и покажал порака дека е официјално мртва.
„Изгледа дека умрев. Нема да лажам, бев малку исплашена и изненадена, со оглед на тоа дека сум жива. Тука сум”, рекла таа.
Официјалните лица потоа ја известиле Никол Паулино дека не може да ја обнови возачката дозвола, по што добила писмо од Службата за внатрешни приходи на САД (IRS), во кое ја опишуваат како почината даночна обврзничка.
Здравственото осигурување за неа и за нејзините три деца било откажано, што доведе до зголемување на медицинските сметки и спречувајќи ја да го набави инхалаторот што ѝ беше потребен за лекување на астмата.
„Ова сериозно ми го наруши животот. Тоа во голема мера влијаеше на мене и на моето ментално здравје“, додаде таа.
Потоа добила повик од службеник на Управата за социјално осигурување, кој ѝ рекол дека вработен ја направил грешката.
Имено, погребалното претпријатие се обидело да пријави смрт на друго лице, но направило грешка при внесувањето на една цифра од матичниот број. По грешка го внеле бројот на Никол Паулино.
Администрацијата изјави дека нивните податоци инаку се многу точни и дека помалку од 0,33 отсто од повеќе од три милиони извештаи за смрт што ги добиваат годишно, морале да бидат поправени. Тоа сепак значи дека околу 10.000 апликации годишно се неточни.
„Вакви работи се случуваат речиси секој ден и може да имаат страшни последици за нечиј кредитен рејтинг“, изјави адвокатот Џозеф МекКлеланд.
Паулино изјавила дека во меѓувреме добила писмо од социјалните служби во кое пишувало дека грешката е исправена.
Официјално повторно беше прогласена за жива.
