Според истиот извор, Amazon ја испратил својата понуда во писмо до потпретседателот на САД, Џеј Ди Венс, и до министерот за трговија, Хауард Лутник.
Трамп, на денот на неговата инаугурација на 20 јануари, ѝ даде дополнително време на платформата TikTok за да најде купувач, со што ја одложи примената на законот што беше усвоен со поддршка на двете најголеми американски партии. Овој закон, кој ја потврди и Врховниот суд на САД, предвидува дека TikTok мора да биде продаден на компанија што не е од Кина, или во спротивно ќе биде блокиран во земјата поради загриженост за националната безбедност.
Трамп посочи дека е можен дополнителен рок за продажба, но истакна дека очекува договор до сабота.
Amazon одби да ја коментира информацијата, додека TikTok сè уште нема дадено одговор. Не е познато дали кинеската компанија ByteDance воопшто планира да ја продаде платформата, но во изминатите месеци се појавија неколку потенцијални купувачи, засега без конкретен исход.
