Скопските општини Аеродром и Лисиче попладнево останаа без струја, а ситуацијат се влошува поради пожар кој избил во Ново Лисиче, од засега непознати причини.
Граѓаните во овие две општини немаат струја повеќе од еден час, а противпожарните екипи веќе се на терен.
Од ЕВН за 24инфо соопштија дека прекинот е поради дефект на 110кВ трафостаница „Аеродром“:„Поради дефект на 110кВ трафостаница ‘Аеродром’ моментално поголем дел од корисниците од Аеродром и Ново Лисиче, како и дел од корисниците од централното градско подрачје, се соочуваат со прекин во снабдувањето со електрична енергија. Екипите на Електродистрибуција веднаш се упатија на лице место со цел санација на дефектот.“