Јапонски автомобилски гигант „Тојота” го презентира футуристичкиот проект вреден 10 милијарди долари, пишува „Бизнис Инсајдер”. Првата фаза на проектот е веќе завршена, а таа вклучува изградба на автономни фабрики кои ќе ги тестираат новите возила.
Проектот се вика „Woven City” и е замислен како „жива лабораторија”, во која ќе живеат луѓе кои ќе ги тестираат новите технологии како возила, роботи и други иновации. Жителите, како и потенцијалните купувачи, ќе тестираат возила на различни начини. Се очекува првите 100 работници да се преселат во стамбениот дел до есен оваа година.
Проектот е осмислен како футуристичко место за иновации во автомобилската индустрија, технологијата и роботиката. Не само што ќе се развиваат популарни автомобили, туку и други напредни технологии, како што се електрични и мотизирани инвалидски колички, тркачки дронови, роботи кои ќе бидат домашни љубимци и помошни домаќинки.
Предвидено е градот да има околу 2.000 жители, а енергијата ќе се добива од водород, што го прави овој проект посебно интересен.
