Мултимилијардерот технолошки магнат и шеф на X, Tesla и SpaceX ја засилува омразата, изјави во интервју за Политико потпретседателката на Европската комисија во заминување, Вера Јурова, нарекувајќи го „промотор на злото“.
Маск беше во судир со европските претставници, борејќи се со регулаторите и владите на повеќе фронтови. Технолошкиот магнат го купи Твитер во април 2022 година, набргу потоа го ребрендираше во Х, и привлече критики за неговото управување со платформата, при што европските политичари и граѓанското општество велат дека дозволил говорот на омраза да се прмовира на страницата.
„Почнавме да го релативизираме злото, а тој проактивно го помага. Тој е промотор на злото“, рече Јурова.
Чешката политичарка, коај беше шеф на правдата на ЕУ од 2014-2019 година и беше задолжена за „вредностите и транспарентноста“ од 2019 година, има редовен контакт со многу од најголемите светски технолошки компании во последната деценија за прашања како приватноста, дезинформациите и умереност на содржината.
Големите технолошки компании имаат „монструозна моќ во своите раце“, рече Јурова. „Навистина ме плашат дигиталните платформи во лоши раце“.
X, според неа, е „главниот центар за ширење антисемитизам сега“, додавајќи дека во ги предупредила министрите од главните градови на ЕУ да внимаваат на можноста антисемитизмот на интернет да се прелее во реалниот свет.
„Сега сме во ситуација кога овластувањата за спроведување на законот на земјите-членки треба да ги заштитат луѓето кои се под закана, под физичка закана“, рече таа. „Тоа е она што сакам да го кажам… Ова ново поглавје, нов интензитет на антисемитизам, каде што не гледаме доволно акција од страната на платформите“.
Јурова никогаш не го запознала Маск лично, но рече дека и без оваа лична средба, би екла дека од сите шефови што ги запознала, тој е единствениот кој не може да препознае добро и зло.
Поранешниот шеф на внатрешниот пазар на ЕУ, Тиери Бретон, се сретна со Маск во Калифорнија во 2022 година, и оттогаш се судри со него јавно околу пристапот на Маск кон умереноста на онлајн содржината.
Јурова, исто така, го отфрли се попопуларниот наратив дека преголемата регулација на Брисел ја задушува технолошката иновација.
ЕУ усвои низа закони за дигиталниот свет во последните пет години, што доведе некои од најголемите светски технолошки компании да тврдат дека не можат да лансираат алатки за вештачка интелигенција и други иновативни производи во блокот бидејќи не знаат како функционираат новите закони или како ќе се спроведуваат.
Но, иновациите заради иновации не се нужно пожелни, рече Јурова: „Мораме да бидеме сигурни дека иновациите се развиени за да им прават добро на луѓето“.
Таа рече дека се прашува зошто иновациите обично се „опишуваат како нешто апсолутно добро, а регулативите како нешто што е лошо… Не е црно-бело“.
Огромниот профит на големите технолошки компании не треба да биде на сметка на Европејците, рече Јурова – дури и ако тоа значи одложување на лансирањето на производите. „Никој не вели дека Google и другите не можат да воведат нови технологии во Европа. Можеби, еден, два месеци, половина година подоцна отколку на друго место, но сакаме да бидеме сигурни“, рече таа.
Јурова ја водеше работата на Општата регулатива за заштита на податоците (GDPR), значаен режим за приватност што стапи на сила во 2018 година и останува еден од најпознатите и најозлогласените закони на ЕУ.
Иако ЕУ неодамна го усвои Законот за вештачка интелигенција, Законот за дигитални услуги и Законот за дигитални пазари, GDPR често останува главната цел на гневот на технолошките компании, особено поради тоа како се толкува. Прашањето дали законот ќе треба да се смени во следните пет години е клучно прашање за идниот шеф за технологија на Комисијата Хена Виркунен, рече Јурова.
„Мислам дека од аспект на GDPR, ќе треба повторно да погледнеме како подобро да се спроведе според принципот на еден континент, еден закон“, рече таа.
Јурова, која го напушта Брисел по 10 години поминати во Берлајмон, се пошегува дека се враќа во Прага како „дисидент“, со оглед на тоа што ја напуштила сопствената партија АНО, која стана понелиберална под поранешниот чешки премиер Андреј Бабиш.
Враќањето на евроскептикот Бабиш, кој моментално води на анкетите пред изборите во Чешка следната година, ќе ги зајакне нелибералните сили во ЕУ, со оглед на врските на Бабиш со унгарскиот премиер Виктор Орбан.
