Новата капсула, наречена „Жирафанап“, го доби своето име според положбата во која се користи — стоејќи, слично како жирафа. Според научните истражувања, оваа положба има позитивно влијание врз квалитетот на краткиот сон, односно дремката, којашто помага мозокот да остане освежен и буден.
„Ако спиете лежејќи, мозокот брзо преминува во длабок сон и кога ќе се разбудите, може да се чувствувате заматено и поспано. Меѓутоа, ако дремнете во стоечка положба, ќе останете во полесна фаза на сон (фаза 2 на спиење), што овозможува да се разбудите со подобрени когнитивни функции и поголема енергија“, објаснуваат од компанијата.
Овие резултати се потврдени преку заедничко истражување со Универзитетот Хокаидо во Јапонија и Националниот универзитет Ченг Кунг во Тајван.
Големина и карактеристики
Капсулата има големина слична на стара телефонска говорница и е дизајнирана со потпори за глава, грб и нозе, овозможувајќи на корисникот краток и квалитетен одмор. Кабината има и панел за прилагодување на висината, што го прави удобна за луѓе со различна градба — без разлика на возраст или пол.
Достапни се два модели: „Спација“, со модерен и футуристички изглед, и „Форест“, со дрвени панели и потоплена, природна атмосфера. Внатрешноста на двата модела е иста, вклучувајќи и ергономска перница за максимален комфор.
Безбедност и практичност
Капсулите зафаќаат околу 1,2 квадратни метри простор, а нивната висина е околу 2,5 метри, прилагодена за безбедна употреба во канцелариски средини. Во нивниот дизајн е вградена и заштита од превртување при земјотрес, како и систем за гаснење пожар, што е важен аспект на безбедноста во Јапонија.
Оваа иновација е одраз на сериозноста со која Јапонците го сфаќаат значењето на кратките дремки во текот на работниот ден, при што „Жирафанап“ нуди практично решение за ослободување од заморот и подобрување на работната продуктивност.
Извор: Forbes.N1ifor.rs
