Јадранското море од италијанска страна овој јули достигна рекордна температура од 30 степени. Во некои делови температурата е дури и повисокa, што доведе до исчезнување на одредени видови риби, како и до расцутување на морето.
Топлината на морето и слабите струи, особено во северните и централните области на Јадранот, довеле до ширење на муцилагинот, или слузава густа, лигаво бело-жолта супстанција формирана од различни микроалги што се акумулира на морското дно.
Оваа слуз е релативно уникатна за Јадранот на италијанската страна и кога морето не добива доволно хранливи материи од реката. Последен пат оваа супстанца толку значително се појавила во 1989 година, особено во водите на крајбрежните градови во регионот Емилија-Ромања, што предизвикало заминување на туристите.
Слузта е доста опасна за рибарите бидејќи предизвикуваат проблеми со моторот на чамецот и ги блокираат рибарските мрежи. Додека повеќето видови риби можат да избегаат од слузот, тој може да ги задуши школките, кои исто така се загрозени, како и сините ракови.
„Зборуваме за 30 степени дури и на отворено море. Јадранот станува тропски. Почнуваме да гледаме видови риби кои претходно ги немало овде, како што е сабјарката, додека разни видови бели риби, како што е ромбот, се речиси изумрени. Нема сомнеж дека се случуваат климатски промени“, велат рибарите.
