Експертите за сексуално здравје наведуваат дека утринскиот секс може да има бројни предности за вашето тело. Еден од главните фактори е тоа што во утринските часови нивото на полови хормони, како што се тестостерон и естроген, природно е повисоко, што може да го олесни постигнувањето на вистинско задоволство и возбуда.
Допамин, познат и како „хормон на среќата“, е највисок наутро, што може да придонесе за полесно сексуално возбудување. За време на ноќниот сон, телото ги обновува хормоните, вклучувајќи ги и половите хормони, што објаснува зошто утринското ниво на тестостерон кај мажите и естроген кај жените може да биде повисоко.
Покрај тоа, за време на REM циклусот на спиење, кај жените доаѓа до зголемување на протокот на крв во вагината, додека кај мажите зголемената продукција на тестостерон може да доведе до ерекција.
Како резултат на тоа, утринскиот секс може да биде одличен начин да се ослободат хемикалии кои го подобруваат расположението и да ве поврзат со партнерот, бидејќи сексуалното возбудување го покренува ослободувањето на норепинефрин, што предизвикува побрз проток на крв до гениталиите и придонесува за ерекција.
