Киноато е едно од најздравите и најпопуларни семиња во светот е киноато. Според диететичарката Верослава Станковиќ, ова семе нуди бројни нутритивни придобивки и е одличен избор за здрава исхрана. Еве четири клучни причини зошто треба да ја внесувате во вашето секојдневие.
Целосен извор на протеини
Киноата ги содржи сите девет есенцијални аминокиселини, што ја прави совршен извор на протеини, особено за вегетаријанци и вегани. Ова ја прави уникатна, бидејќи многу растителни извори на протеини ги имаат овие својства.
Богата е со растителни влакна
Киноата е одличен извор на растителни влакна, кои го поддржуваат варењето и помагаат во одржување на здравата телесна тежина. Влакната создаваат чувство на ситост, што го спречува прекумерното јадење.
Без глутен
За лицата кои имаат нетолеранција на глутен, киноата е идеален избор. Таа е природно без глутен и може да се користи како замена за други глутенски житарки.
Изобилство од минерали
Киноата е богата со магнезиум, железо и калиум – минерали кои се важни за енергија, одржување на здравјето на срцето и за цврстина на коските.
Како да ја подготвите киноата?
Подготовката на киноата е едноставна:
1. Измијте ја киноата под вода.
2. Прелите 1 шолја киноа со 2 шолји вода.
3. Оставете ја да зоврие, потоа намалете ја топлината и варете ја 13-15 минути.
4. Внимавајте да не ја преварите.
Како да ја вклучите во вашата исхрана?
Киноата може да се додава во различни јадења: салати, супи или како прилог на јадења со зеленчук или риба. Таа е идеална за приготвување брзи и здрави оброци.
Што ја прави посебна?
Киноата е семе, а не житарка, и е поврзана со растенија како цвекло и спанаќ. Ова ја прави одлична алтернатива за оние кои бараат нови начини за здраво исхранување.
Додадете киноа во вашето мени и уживајте во нејзините нутритивни придобивки!
