Иако повеќето знаат дека пчелите умираат откако ќе убодат некого, повеќето не ги знаат деталите. Како што објаснуваат лекарите, кога пчела ќе касне човек, нејзиното осило се заглавува во кожата.
Пчелата не може лесно да го отстрани осилото што има фатални последици за неа – кога ќе се обиде да избега, тоа останува во кожата, а пчелата буквално ги губи внатрешните органи и умира.
Токму поради тоа пчелите ретко напаѓаат луѓето, односно тоа го прават само кога се чувствуваат загрозени, бидејќи тоа ги чини живот.
За разлика од нив, осите имаат осила и можат повеќекратно да боцкаат без последици.
