Бананите се едно од најпопуларните овошја на светот, познато по својата погодност и нутритивна вредност. Овој вкусен тропски плод поради својата достапност и лесен начин на консумирање се јаде низ целиот свет. Бананите се омилени и меѓу спортистите и рекреативците поради високата енергетска вредност.
Меѓутоа, според Школата за јавно здравје на Харвард, времето и начин на консумирање на ова овошје може значително да влијаат на нашето здравје. Особено е важно да се избегнува јадење банани на празен стомак.
Бананите содржат значителна количина природни шеќери, околу 15 грама по средна банана. Кога се јадат на празен стомак, овие шеќери брзо се апсорбираат, предизвикувајќи брз пораст на нивото на глукоза во крвта.
По првичниот налет на енергија следи пад, што може да доведе до замор, главоболка и раздражливост. Овие нагли промени на нивото на шеќер во крвта може да бидат особено проблематични за лица со дијабетес или преддијабетес. Покрај тоа, често изложување на телото на такви осцилации може да има долгoročен ефект на метаболизмот и чувствителноста на инсулин.
Влијание на дигестивниот систем
Киселата природа на бананите може да предизвика сериозни нарушувања кога се консумираат на празен стомак. Консумирањето на празен стомак често доведува до надуеност и создавање гасови во дигестивниот систем. Исто така, може да се појават различни проблеми со варењето кои можат да траат неколку часа. Во некои случаи може да дојде и до опстипација.
Влијание на срцето и минерали
Бананите се богати со магнезиум и калиум, кои генерално се добри за здравјето. Меѓутоа, консумирањето на празен стомак може да го наруши балансот на магнезиум и калциум во крвта. Овој дисбаланс може негативно да влијае на работата на срцето. Покрај тоа, овој начин на консумирање може значително да го намали апсорбирањето на важни минерали како што е железото.
Идеално време за консумирање
Најдобро е бананите да се јадат како дел од избалансиран оброк или ужина. Експертите за исхрана препорачуваат да се јадат банани по појадок. Важно е да се комбинираат бананите со друга храна за да се успори апсорпцијата на шеќерот. Исто така, се советува да се избегнува консумирање на банани доцна вечер.
Препорачаните комбинации
За максимална корист, бананите е најдобро да се комбинираат со јогурт или грчки јогурт. Одлична опција е комбинирање со овесна каша која е богата со влакна. Орашести плодови и семки исто така се одлични додатоци на бананите. Посебно се препорачува комбинација со цели житарици, бидејќи обезбедуваат постепено ослободување на енергија.
