Најголем виновник за ова е вештачката светлина во авионската кабина, која ја нарушува нашата способност да ги гледаме треперливите ѕвезди на ноќното небо.
Теоретскиот физичар Итан Сигел објаснува дека затоа луѓето кои летаат со авиони пропуштаат некои од најдобрите погледи на небото. Светлата во авионот исто така создаваат отсјај на прозорецот, што го прави речиси невозможно да се види ѕвезденото небо.
Добра илустрација за ова е зошто не можеме да видиме што се случува надвор од куќата додека светлата внатре се вклучени.
„Како општо правило, треба да биде потемно онаму од каде што гледате отколку онаму каде што гледате. Во спротивно, нема да можете да видите ништо. Ако немаше светла во кабината на авионот, всушност ќе имавте можност да видите неверојатни глетки на небото”, вели Сигел.
Кога сте дома навечер и ви се запалени светлата внатре, што може да видите надвор?
„Секој од надвор од куќата што гледа во неа може да види сè. Но, ако погледнете од внатрешноста на куќата низ прозорецот, за да видите што било, треба или да ги исклучите светлата внатре или да ги вклучите светлата надвор, нели?“ истакнува астрофизичарот.
Секако, има и други фактори, како што е светлосното загадување при летање над големите градови, како и Месечината, која е природна бариера и чија светлина може да ги замати ѕвездите.
Ако сакате да ги зголемите шансите да гледате ѕвезди за време на летот, треба да изберете место покрај прозорецот подалеку од крилото спроти Месечината и да ги исклучите светлата во кабината ако е можно.
