KINDER SURPRISE, популарните Киндер јајца, се десерт со кој пораснале генерации, а за многумина ова млечно чоколадно јајце со играчка скриена внатре е нешто навистина посебно. Киндер јајцата ги сакаат младите во многу земји откако Ferrero првпат ги лансираше во 1974 година, но се чини дека децата во Америка не растат со овој популарен производ бидејќи не се продава во САД.
Зошто Киндер јајцата се забранети во САД?
Поради прописите поставени од американската Администрација за храна и лекови (ФДА), јајцата Киндер се забранети во САД, каде што исто така е нелегално да се увезуваат. Зошто? Поради играчката во Киндер јајцето.
FDA наложува дека не е дозволена каква било храна со „вграден нехранлив предмет“, што се однесува на пластичната играчка капсула во јајцето Kinder Surprise, до која можете да дојдете само откако ќе ја изедете околната чоколада.
Интересно е што американската царина во 2011 година запленила повеќе од 60 илјади Киндер јајца кои некој се обидел нелегално да ги увезе преку граница, а иако се забранети во САД, може да се најдат во соседните земји, Канада и Мексико.
Но, САД не се единствената земја каде што е забрането јајцето Kinder Surprise – јужноамериканската земја Чиле исто така ги забрани јајцата Kinder Surprise во 2016 година.
Добри вести
Добро е што американските деца не се целосно лишени од радоста што ја носи чоколадото Киндер. Имено, Фереро во 2018 година во САД го лансираше Kinder Joy, производ сличен на јајцето Kinder Surprise, но најважно е тоа што не содржи играчка во внатрешноста на чоколадото.
Kinder Joy има амбалажа во облик на јајце, а додека едната половина од јајцето содржи чоколаден намаз и топчиња од вафли, играчката се наоѓа во другата половина од јајцето, одвоена од јадливиот дел.
Извор: index.hr
