Според препораките, јајцата треба да се чуваат на полиците во внатрешноста на фрижидерот, каде што температурата е постабилна и постудена. Дополнително, не треба да се чуваат во близина на производи со силни мириси, бидејќи иако се во лушпа, јајцата лесно впиваат мириси од околината.
Доктор Стјуарт Фаримонд посочува дека чувањето јајца во вратата може да влијае и врз квалитетот на јадењата кои се подготвуваат од нив. Според него, тресењето од отворањето и затворањето на вратата може да ја наруши структурата на белките, што може да предизвика проблеми при подготовка на некои рецепти. Тој додава дека, ако се подготвуваат пржени јајца или кајгана, подобро е да се користат јајца на собна температура, додека за варени јајца може да се користат директно од фрижидерот.
И покрај различните совети, за време на летните месеци најбезбедно е јајцата да се чуваат во фрижидер. Сепак, најдобро е тоа да се прави на полица во внатрешноста, а не во вратата, со што ќе се обезбеди нивна поголема свежина и безбедност.
