Здружението на новинарите на Македонија (ЗНМ) најостро го осуди физичкиот напад врз новинарската екипа на редакцијата на „Инфомакс“, што се случи при известување на работното место. ЗНМ ја потенцира важноста од безбедноста на новинарите и медиумските работници како предуслов за функционирање на слободното новинарство и правото на граѓаните да бидат навремено и објективно информирани.
Според соопштението, нападот вклучувал насилно одземање или оштетување на опрема на новинари за време на вршењето на нивната професионална задача. ЗНМ наведува дека со последните измени на Кривичниот законик, секој напад врз новинарите додека извршуваат професионални обврски е јасно дефиниран како сериозно кривично дело за кое се предвидени казни.
Здружението исто така соопшти дека е во постојана комуникација со Министерството за внатрешни работи (МВР) и Основното јавно обвинителство (ОЈО) за заштита на новинарите и медиумските работници и ја повика институциите на брза и ефикасна истрага, со соодветни санкции за сторителите.
Според ЗНМ, секој напад врз новинар или медиумски работник не е само напад врз поединец, туку е директна закана за правото на информирање на јавноста и за слободата на медиумите во демократското општество.
