29. издание на Златна буба мара на популарноста ќе се одржи на 26 февруари, во арената Борис Трајковски.
Манифестацијата, која со децении претставува симбол на популарноста и директниот глас на публиката, и оваа година ќе ги обедини највлијателните имиња од македонската јавна сцена – музичари, актери, телевизиски личности, спортисти и други јавни фигури кои оставиле впечаток кај публиката во изминатиот период.
„Златна буба мара“ е препознатлива по својот автентичен концепт, хумор и сатиричен осврт на актуелните општествени случувања, што ја издвојува како настан кој одамна ги надминува рамките на класично доделување награди. Признанијата се доделуваат врз основа на популарноста и влијанието кај публиката, што на манифестацијата ѝ дава посебна тежина и релевантност.
Организаторите најавуваат свечена програма со музички настапи, изненадувања и емотивни моменти, како и доделување награди во повеќе категории, вклучително и специјални признанија.
Со своето 29. издание, „Златна буба мара на популарноста“ уште еднаш ја потврдува својата позиција како културен и медиумски феномен кој успешно опстојува и се развива во чекор со времето.
Билетите се веќе достапни онлајн преку платформите MK Tickets и Karti, додека ограничен број билети може да се набават и преку физичка продажба во цвеќарницата „Розе Веро 2“.
