Целата територија на Македонија денес се наоѓа во жолта предупредувачка фаза поради обилните врнежи од дожд и засилениот ветер, кој повремено и локално може да достигне брзина од над 70 километри на час.
Според информациите објавени од метеорологзите, токму поради ваквите временски услови повторно се зголемува ризикот од појава на нови поплави и излевање на реките, особено во западните и северозападните делови на Македонија.
Во овие региони локално се очекуваат нови врнежи од над 30 литри на метар квадратен во период од 24 часа, што дополнително ја зголемува опасноста од покачување на водостоите и можни проблеми на терен.
Надлежните институции апелираат на внимателност, особено во подрачјата покрај реките и во регионите кои и претходно беа погодени од обилни врнежи.
