Додека Европа се соочува со постојано зголемување на трошоците за живот, многу граѓани од Балканот, се свртуваат кон далечни дестинации во потрага по поквалитетен и попристапен живот. Една од земјите што се почесто се споменува е – Тајланд.
На популарниот форум Reddit, корисниците неодамна разговараа за причините поради кои се повеќе Хрвати, но и луѓе од Србија, избираат да живеат во оваа тропска земја. Главната причина е значително пониските трошоци за живот.
„За 400 до 500 евра месечно можете да изнајмите стан или куќа со базен. Храната е евтина, дневниот трошок е само неколку евра“, напишал еден корисник.
Еден човек од регионот го сподели своето искуство од Патаја, популарно туристичко место во источен Тајланд: „Платив хотел со пет ѕвезди за само 20 евра за две лица од ноќ. Превозот е евтин, храната е одлична, дури и улична храна“.
Покрај ниските трошоци, Тајланд нуди и многу активности кои ја привлекуваат помладата популација: спортски сали, клубови за боречки вештини, ноќен живот и прекрасна природа. „Половина од годината е сезона на дождови, но потоа многумина се враќаат во Европа, а потоа повторно се враќаат.
Дополнителен плус е дружељубивоста на локалното население, како и чувството на сигурност и релаксација: “Сè е многу помирно, луѓето се срдечни, нема напнатост. Живеете покрај море, јадете свежо тропско овошје, останувате на сонце. Навистина можете да живеете убав и пристоен живот, и тоа со многу помалку пари отколку дома”.
Така, Тајланд се повеќе се профилира како атрактивна дестинација за оние кои сакаат потивок, поедноставен и попристапен начин на живот – без компромиси кога станува збор за квалитетот.
