Нов извештај на ОН откри дека работните места на жените во земјите со високи приходи се значително поверојатни да бидат заменети или засегнати од вештачка интелигенција во споредба со оние на мажите.
Истражувањето на Меѓународната организација на трудот (ILO) и Националниот истражувачки институт на Министерството за дигитални работи на Полска (NASK) покажа дека автоматизацијата може да замени речиси 10% од позициите доминирани од жени во земјите со висок доход, наспроти 3.5% кај мажите.
Најголемата разлика меѓу машките и женските работни места е токму во овие држави – 41% од женските работни места може да бидат изложени на AI, во споредба со 28% од машките.
Во Европа и Централна Азија, 39% од работните места на жените може да бидат засегнати, наспроти 26% на мажите.
Извештајот вели дека овие обрасци го рефлектираат и типот на професии и фактот дека работните места изложени на AI се најчесто концентрирани во побогатите земји.
Генерално, ILO откри дека еден од четворица работници во светот работи на позиција со некакво влијание од AI.
Истражувањето е спроведено со 1.640 испитаници во различни сектори во Полска, а резултатите беа анализирани од група меѓународни експерти. Потоа беше развиен AI модел кој ја комбинираше анкетата со национални податоци за работни места за да предвиди колку се изложени 2.500 професии и над 29.000 работни задачи на автоматизација.
Најизложени се административни занимања – оператори за внес на податоци, машинописци, книговодители и слични – бидејќи многу од нивните задачи (како бележење состаноци или организирање агенди) лесно може да ги преземе AI.
Други високо изложени професии вклучуваат веб и медија девелопери, бази на податоци, финансиски и софтверски стручњаци.
Сепак, извештајот нагласува дека овие бројки се однесуваат на „потенцијална изложеност“, а не на реално изгубени работни места.
Целосната замена на луѓето со AI е сè уште „ограничена“, бидејќи многу задачи сè уште бараат човечки надзор и одлуки.
„Како што повеќето професии вклучуваат задачи што бараат човечки ангажман, трансформацијата на работата е поверојатна отколку целосна замена“, пишува во извештајот.
Прифаќањето на AI и потенцијалното губење работни места ќе зависат и од технолошките ограничувања, недостигот од инфраструктура и недостатокот на квалификувана работна сила.
Извештајот ги повикува владите, работодавците и синдикатите да развијат „инклузивни стратегии“ за заштита на квалитетот и продуктивноста на загрозените работни места.
„Лесно е да се изгубиш во хипот за AI,“ изјави Јанин Берг, стар економист во ILO. „Но она што ни треба е јаснотија и контекст.“
