Паметта може да биде попривлечна од која било фризура и помоќна од најскапиот парфем. А некои жени тоа го знаат најдобро – затоа што во нивниот ум постојано се вртат илјадници мисли, идеи и анализи, додека остатокот од светот сè уште се обидува да сфати што точно се случува. Тие жени не мораат да кажат „знам“, бидејќи тоа се гледа во нивниот поглед. Интелигентни се, продорни, духовити и брзи.
Кога ќе влезат во просторија, не привлекуваат внимание со гласот, туку со присуство – и со фактот дека секогаш ќе го постават токму она прашање на кое никој друг не помислил. Ако некогаш сте останале без зборови пред нечиј остар коментар, мудар совет или логички заклучок кој руши цел аргумент, голема е веројатноста дека сте разговарале токму со една од нив.
Девица
Жените Девици забележуваат работи кои на другите им избегнуваат. Нивната способност за анализа, логичко размислување и поврзување информации е речиси натприродна. Способни се да решат проблем уште пред некој друг да забележи дека постои.
Но тоа не е ладна интелигенција – тие знаат кога да молчат, кога да прозборат и како со една реченица целосно да го сменат текот на разговорот. Нивната памет не е наметлива, но е толку прецизна што не остава простор за сомнеж.
Шкорпија
Шкорпиите не играат со отворени карти. Тие набљудуваат, анализираат и паметат. Нивната интелигенција не е само логичка, туку и емоционална – знаат да ги прочитаат луѓето, нивните мотиви и скриени значења. Она што ги издвојува е моќта на стратешко размислување. Не кажуваат сè што знаат, но знаат многу повеќе од она што го изговараат. Способни се да водат разговор така што и да не забележите – ќе им откриете сè што ве мачи. А потоа, со насмевка, ќе ве изненадат со решение.
Водолија
Жените родени во знакот Водолија размислуваат брзо, широко и неконвенционално. Тие секогаш се три идеи пред сите останати. Нивната интелигенција не е вкалапена – напротив, сакаат да рушат правила и да создаваат нови.
Тие поставуваат прашања што никому не му паѓаат на ум и поврзуваат работи кои наизглед немаат никаква врска. Понекогаш е тешко да ги следите, но кога ќе добиете увид во нивниот мисловен свет – тешко се враќате на старо. Секогаш се чекор напред, и токму затоа се толку фасцинантни.
