Германија продолжува да ги поместува границите на традиционалниот натпревар за убавина и со тоа го одразува инклузивниот пресврт на натпреварите од овој тип.
Иранката Апаме Шонауер е избрана за Мис на Германија за 2024 година.
Берлинката блесна на сцената за време на прогласувањето со огромна насмевка на нејзиното лице.
Таа е мајка, вработен архитект и вели дека е страсна за правата на жените и им помага на мигрантите да се асимилираат во животот во Германија.
И таа е мигрант – родена во Иран, со семејството емигрирала во Германија кога имала шест години. Шенауер изјави дека првите години од животот во странска земја биле тешки – таа се борела да се вклопи во училиште.
На сцената, таа рече дека сака да се залага за млади жени како неа, кои се справуваат со тешкотиите да бидат мигранти во Германија.
Нејзината организација Ширзан (што значи „лавица“) им помага на угнетените жени, охрабрувајќи ги „да ги споделат своите приказни и искуства, да се инспирираат и поддржуваат едни со други за да можат да го остварат својот целосен потенцијал“.
