Земјотрес со јачина од 6,4 степени според Рихтеровата скала го погоди јужниот дел на Тајван, нешто по полноќ, при што беа оштетени неколку згради, а најмалку 27 лица беа полесно повредени, соопштија властите на островот.
Меѓу нив имало шест лица, меѓу кои и едномесечно бебе, кои беа спасени од урната куќа во округот Нанкси, Таинан.
Пријавено е дека е оштетен мостот Јувеј на провинцискиот автопат.
Нема информации за загинати, иако спасувачите сè уште ја проценуваат штетата.
Епицентарот на земјотресот бил во градот Дапу во округот Чијаи на длабочина од 9,7 километри, соопштија властите, пренесува АП.
