По 13 ти пат во Младинскиот Културен Центар, во сабота на 1 март во 19 часот ќе се одржи ЗЕМЈОТРЕС 13 – најголемиот фестивал на свежа, домашна и независна музика.
Во тесни улици, градот ми шепоти, И да се опстане е победа (од „Последната Битка“ – ПМГ Колектив/Клан Секулар, текст: Мирко Попов)
,,Да се биде инди фестивал кој континуирано секоја година го полни МКЦ со најубавата градска младина и покажува дека и покрај сите ПОТРЕСИ имаме извонредно добра музичка сцена е ПОБЕДА. Навидум изгледа како не баш голем предизвик, НО да живееш ОВДЕ и да бидеш воден од она убавото во создавањето на уметност/музика без компромиси, е те како победа. И покрај сите градски магли, загадено општество, затворени простори и глави, да продолжиш да твориш и го носиш ветерот на промена која најавува нова пролет, е победа. Победа за сцената, победа за секоја нова генерација која и дава нов звук и надеж, победа за ЗЕМЈОТРЕС како фестивал на свежа, домашна и независна музика кој веќе 13 години го носи ветрот на оваа вибрантна и многу значајна сцена.Дојдете заедно да победиме по 13 пат!”, порачуваат организаторите.
Настапуваат: AUMD.N.O. Elena Vasova, Fiction Grinsen, L.O.V.D, Lost in Reverie, LV$T,Martina Peneva, Martix, Speysd Svetlost Tsar Von Time Viktor Apo, YÖU,Nema Labavo, Nikartik, OVC Kolektiv, Poetronika, Ruststained
ЗЕМЈОТРЕС #13 го посветуваме на Мирко Попов, неуморен ветер на промена и еден од основачите и организаторите на ЗЕМЈОТРЕС.
Влезниците се веќе онлајн на https://bileti.mkc.mk/index.php?id=1443
