Украинскиот претседател Володимир Зеленски објави дека Русија извршила масовен воздушен напад врз украинската енергетска инфраструктура, користејќи 300 дронови и 37 ракети во текот на ноќта.
„Оваа есен Русите секојдневно ги напаѓаат нашите енергетски објекти,“ напиша Зеленски на социјалната мрежа X, нагласувајќи дека Москва се обидува да ја парализира енергетската мрежа на Украина пред зимската сезона.
Украинската приватна енергетска компанија DTEK соопшти дека по нападот бил прекинат работата на постројка за производство на гас во Полтавската област, додека извори од индустријата за Reuters изјавиле дека штетата врз украинскиот гасен сектор е „значајна“.
Извршниот директор на државната компанија Нафтогаз потврди дека неколку критични објекти биле исклучени од системот, при што нападите имаат директно влијание врз домашното производство на природен гас.
Тој предупреди дека Киев ќе мора да ги надомести загубите со зголемен увоз на гас, што може дополнително да го оптовари украинскиот енергетски систем во пресрет на зимата.
Извор:Index.hr
